VIDEO/ Pioli: S’kisha parë kurrë diçka të tillë, penalltitë lotari

schedule09:38 - 2 Tetor, 2020

schedule 09:38 - 2 Tetor, 2020

Stefano Pioli, trajneri i Milanit, pas ndeshjes që kuqezinjtë barazuan 2-2 me Rio Ave, foli për mediat. Italiani normalisht i gëzohet kualifikimit në grupet e Europa League, që erdhi pas goditjes së 25 penalltive. Pa asnjë dyshim skuadra italiane ishte me fat.

“Është e vështirë të kontrollosh emocionet në një situatë të tillë, sepse ne shkuam nga mundësia e fitores te humbja sa hap e mbyll sytë. Kjo është edhe arsyeja pse thonë që penalltitë janë lotari. Arritëm të ishim të duruar, edhe pse një pjesë e lojtarëve janë të rinj”, tha fillimisht Pioli.

Më pas ai shtoi: “Nuk kam parë kurrë diçka të tillë, por ky është futbolli”. Milani mund të kishte humbur, por ishte me fat te një penallti që u devijua nga Donnarumma, parakaloi gjithë vijën fatale dhe u përplas në shtyllën tjetër.

Fati deshi që të mos kthehej e të ndalej në rrjetë. I ngacmuar për atë penallti, Pioli deklaron: “Në karrierën time kam humbur një finale Kupe Italie për shkak të një goditjeje si ajo. Penalltitë janë lotari, pot djemtë e merituan prej përpjekjeve që bënë”. /abcnews.al

Mos rri jashtë: bashkohu me ABC News. Ne jemi kudo!