Ministrja e Jashtme e Kosovës, Meliza Haradinaj Stublla ka kritikuar ministrin e Jashtëm të Serbisë Ivica Daçiç për falënderimin që ky i fundit i bëri ambasadorit të Angolës në Beograd për mosnjohjen e pavarësisë së Kosovës.
Haradinaj Stublla akuzoi se me këtë veprim Serbia ka shkelur marrëveshjen e arritur në Washington më 4 shtator.
“Siç edhe është pritur, Ivica Daçiç nuk është i lodhur nga konfliktet dhe agresioni diplomatik. Sot ai e falënderoi ambasadorin e Angolës në Beograd që nuk e ka njohur Kosovën dhe për respektim të të ashtuquajturit “integritet territorial i Serbisë”.
Dhe pika e 15-të e Marrëveshjes në Washington e ndërmjetësuar nga presidenti Donald Trump është shkelur sërish nga Serbia”, ka shkruar Haradinaj Stublla në Twitter. db/Abcnews.al
