Tirana luan të enjten kundër Young Boys, ndërkohë që futbollistët e bardhebluve dhe stafi teknik e organizativ kanë bërë dje tamponët për të parë nëse ka ndonjë të infektuar me COVID-19.
Fatmirësisht nuk ka asnjë që ka dalë pozitiv, sikurse njofton klubi i Tiranës përmes një njoftimi të bërë në faqen zyrtare në “Facebook”.
“Ditën e djeshme datë 28.09.2020, lojtarët, stafi dhe delegacioni kanë kryer tamponët e testeve të COVID-19. Nga përgjigjet e këtyre analizave çdo person ka rezultuar negativ. Ekipi do të vazhdojë të stërvitet normalisht, pa mungesa dhe ditën e nesërme udhëton drejt Zvicrës.
Gjithashtu sot në orën 15:30, trajneri Emanuel Egbo dhe kapiteni Idriz Batha do t’u përgjigjen pyetjeve të gazetarëve. Seanca stërvitore do të jetë e hapur për median vetëm 15 minuta”, shkruhet në njoftimin e bërë nga klubi i Tiranës. /abcnews.al
