Vetëm pak ditë pasi u përfol se Grupi Volkswagen do të shesë markën Bugatti tek prodhuesi kroat i makinave elektrike Rimac, marka franceze ka zbuluar një super makinë me motor Rimac. Automjeti i parë elektrik i Bugatti-t do të frymëzohet shumë nga koncepti Vision Le Mans.
Sipas “The Supercar Blog” duke cituar burime të brendshme “një super makinë vetëm elektrike në pistë” do të zbulohet “që nga tetori i vitit 2020”. Burimi gjithashtu pretendon se “kjo makinë do të shërbejë si një vitrinë teknologjie për të ardhmen”, shkruan abcnews.al.
Modeli do të jetë si një provë për makinat e gjeneratës së ardhshme Bugatti, e cila do të jetë plotësisht elektrike dhe e mundësuar nga një motor i ndërtuar nga Rimac. Gjithashtu raportohet se CEO i kompanisë ” do të japë dritën jeshile në fund të Tetorit për të zbatuar modelin e bazuar në prototipin ekzotik Vision Le Mans.
Përtej kësaj, përfshirja e Rimac në këtë projekt do të nënkuptojë gjithashtu sigurimin e teknologjisë së nevojshme në dispozicion të kompanisë kroate në mënyrë që makina Bugatti të jetë thjesht elektrike. Kjo makinë do të ishte konfirmin zyrtar për përfundimin e marrëveshjes VW – Rimac, duke shënuar një epokë të re për Bugatti. xh.d/abcnews.al
