Klubi i Schalke 04 kishte disa kohë që po kalonte një periudhë jo të mirë dhe kjo ishte mëse e dukshme tek rezultatet e ekipit gjerman. Ata e startuan në mënyrën më të keqe të mundshme sezonin e ri, duke pësuar një “tërmet” 8-ballësh nga kampionët e Bayern Munchen.
Gjithashtu edhe në ndeshjen e djeshme në shtëpi të besuarit e David Wagner dolën pa pikë, pasi u mposhtën me rezultatin 1-3 nga Werder Bremen. I menjëhershëm ishte reagimi i klubit, i cili ditën e sotme vendosi të shkarkonte trajnerin 48-vjeçar për rezultate të dobëta.
Wagner e drejtoi Schalken në 18 ndeshje gjithsej, ku nuk arriti asnjë fitore. Ai pësoi 12 disfata dhe 6 barazime në krye të klubit gjerman. Edhe golavarazhi nuk flet aspak në favor të tij, pasi numëron vetëm 8 gola të shënuar dhe 49 të pësuar. /abcnews.al
