Ivan Perisic u rikthye tek Interi pas huazimit te Bayern Munchen, por nuk pritet të qëndrojë gjatë në Milano. Kroati mund të nisë një tjetër aventurë, kësaj radhe te PSG.
Footmercato raporton se nënkampionët e Evropës e pëlqejnë shumë shumë 31-vjeçarin dhe kanë nisur bisedimet me Interin për ta marrë në huazim , me të drejtë blerje për një shumë që duhet përcaktuar.
Ndërkohë, Antonio Candreva do të transferohet te Sampdoria. Anësori i djathtë ofensiv, do të vazhdojë karrierën tek ekipi i Claudio Ranierit. Dy klubet e Serie A kanë arritur akordin për shumën e 2.5 milion eurove.
33-vjeçari do të firmosë një kontratë 4-vjeçare me dorianët. Paratë e fituara nga shitja e tij do të përdoren për të siguruar shërbimet e Matteo Darmian.
Mbrojtësi i djathtë, i cili aktivizohet edhe në pozicionet e tjera të repartit defensiv, është kërkesa e trajnerit Conte dhe arritja e marrëveshjes me Parmën është çështje kohe. /abcnews.al
