Një video e forcave ajrore të Kinës ka hasur kritika nga përdorues të mediave sociale pas pyetjeve pse fuqia e dytë më e madhe ushtarake në botë bashkoi video të filmave të Hollivudit në materialin e saj propagandistik.
Sipas The Guardian videoja me 4.72 milionë shikime në Weibo dhe e krijuar nga qendra e propagandës dhe kulturës të forcës ajrore të Ushtrisë Çlirimtare të Popullit (PLA), tregon bombarduesin e saj me rreze të mesme dhe të gjatë H-6.
Videoja tronditëse tregon personelin e forcave ajrore kineze që fillojnë një sulm mbi një bazë ishullore, që ngjason me objektet e SHBA-së në Diego Garcia dhe Guam, duke realizuar një aksion të suksesshëm. Por përdoruesit e mediave sociale arritën të dallonin pamjet e kopjuara, transmeton abcnews.al
A Chinese air force video showing a simulated bombing attack against a #US military base has backfired after sharp-eyed netizens realized that it contained footage lifted from #Hollywood blockbusters.
Read more: https://t.co/VFoBRn4WHh#AppleDailyENG #China #PLA pic.twitter.com/hcMBHjiT3d
— Apple Daily HK 蘋果日報 (@appledaily_hk) September 20, 2020
Sekuencat e shpërthimit të raketave u morën nga tre filma të Hollywood: Transformers: Revenge of the Fallen, The Rock and The Hurt Locker.
“Ne promovojmë avionët tonë ushtarakë duke përdorur klipe filmash me amerikanë të Hollywood-it, pse të shqetësohemi?”, tha një përdorues, ndërsa një tjetër tha: “Është video promovuese e kombit tonë, pse nuk përdorim imazhet tona?”.
Rikujtojmë që Kina është në një konflikt me SHBA-në për sa i përket mbrojtjes, teknologjisë, tregtisë, dhe statusin e Hong Kongut dhe Tajvanit. s.ba/abcnews.al
