Të shtëna me armë zjarri janë regjistruar këtë pasdite në zonën e “Astirit” në Tiranë.
Nga të shtënat mësohet se një person ka mbetur i plagosur në këmbë.
I plagosuri është identifikuar si Spartak Beqaraj 45-vjeç, i cili ndodhet jashtë rrezikut për jetën nën kujdesin e mjekëve.
LEXO edhe: FOTO/ Ky është 45-vjeçari i plagosur në Astir, i cili u dërgua me urgjencë në spital
Sipas policisë ngjarja ka ndodhur pas një konflikti të çastit për motive të dobëta.
Spartak Beqaraj 45-vjeç, dyshohet se është plagosur nga fqinji i tij pas një konflikti.
Sakaq autori tashmë i identifikuar dhe shpallur në kërkim nga policia, pasi ka qëlluar 45-vjeçarin është larguar menjëherë nga vendngjarja.
Policia ndërkohë ka rrethuar zonën dhe po punon për kapjen e autorit.
Njoftimi i Policisë:
Tiranë/Informacion paraprak
Më datë 20.09.2020, rreth orës 17:45, në Unazë të Re, pranë një lokali, pas një konflikti të çastit, për motive të dobëta, dyshohet se është plagosur me armë zjarri pistoletë në këmbë shtetasi S.B., 45 vjeç, i cili u dërgua në spital dhe ndodhet nën kujdesin e mjekëve jashtë rrezikut për jetën.
Shërbimet e Policisë kanë shkuar menjëherë në vendngjarje, ka rrethuar zonën dhe vijon krehja e saj për kapjen e autorit, i cili menjeherë pas plagosjes është larguar nga vendngjarja .
Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do çojë në identifikimin dhe kapjen e autorëve.
N.D./abcnews.al
