Brahim Diaz tashmë është zyrtarisht një lojtar i Milanit dhe ditën e djeshme ai u prezantua përpara mediave nga klubi kuqezi. Në një konferencë për shtyp në Milanello, ish-mesfushori i Real Madrid u shpreh shumë i lumtur për kalimin tek Milani.
Objektivi i tij është që të fitojë Scudetton me “Djallin”. Gjithashtu pas prezantimit ai dha një intervistët për mikrofonat e “Sky Sport”, ku u ndal më gjatë rreth aventurës së tij të re.
“Jam me fat që jam këtu. Kam fatin që të ndaj dhomat e zhveshjeve me një legjendat të këtij klubi, siç është Ibrahimovic. Zlatan është një lojtar i shkëlqyer dhe do të mësoj shumë nga ai. Suedezi është një vlerë shumë e madhe për ne, pasi na ndihmon të gjithëve me atë çka ka arritur në karrierën e tij.
Maldini? Paolo është një fenomen. Ai ka qenë i tillë në fushë, por tashmë po tregon se këtë mund ta bëjë shumë mirë edhe nën petkun e drejtorit sportiv. Maldini është një legjendë e këtij klubi si dhe i futbollit botëror.
Milani është një klub i shkëlqyer dhe duhet të mendojë si i tillë. Gjithmonë duhet të synojmë maksimumin. Objektivi mbetet fitimi i titujve si dhe këtë sezon duhet të rikthemi në Champions”, mbyll 21-vjeçari. /abcnews.al
