Mesfushori i Napolit, Allan, është tashmë një lojtar i Evertonit. Ka qenë vetë klubi anglez që ka konfirmuar blerjen e brazilianit përmes një deklarate për shtyp.
29-vjeçari ka firmosur për tre sezone me klubin e Premier League. Aty ai do të gjejë trajnerin Carlo Ancelotti, i cili e kishte një nga lojtarët e preferuar Allan në kohën kur drejtonte Napolin.
“Është një kënaqësi për mua që të firmos me Evertonin. Jam shumë i lumtur që jam këtu. Shpresoj se ashtu siç ka ndodhur në të gjithë karrierën time të jap maksimumin tim dhe së bashku me shokët e ekipit të arrijmë te titujt.
Evertoni është një klub me histori në Premier League. Ka ambicie të mëdha dhe më e rëndësishmja këtu është profesor Ancelotti. Ai ka bërë gjithçka që unë të vija këtu,” mbyll Allan, i cili i kushtoi klubit anglez plot 25 milionë euro plus bonuse. /abcnews.al
?? | Bem-vindo ao Everton, Allan!#BemVindoAllan pic.twitter.com/ycW4G51RSb
— Everton (@Everton) September 5, 2020
