Loading ...
“Mali i Zi nuk do të bëhet kurrë Sparta Serbe, as krahinë e Shqipërisë së Madhe. Ne nuk duam ngjarje nga Maqedonia në 2015 në Mal të Zi”.
Kështu deklaroi sot në një konferencë për shtyp, Dritan Abazoviç, shqiptari i cili deejton listën “Bardh e Zi” dhe mori katër deputetë në parlamentin malazez.
Ai dënoi me forcë ngjarjet, kërcënimet, dhunën e mbrëmshme, pavarësisht nga anëtarët e cilit komb iu drejtuan.
“Ne mundëm mafien në zgjedhje, por askush nuk do ta mposhtë kurrë shtetin tonë të përbashkët të Malit të Zi. Ne i ftojmë të gjithë të qëndrojnë në shtëpi dhe të festojnë në shtëpitë e tyre. Ne u japim një dorë të gjithëve, partive të pakicave, të gjithë popujve që jetojnë në Malin e Zi. Mali i Zi mund të zhvillohet ekskluzivisht si një shtet civil dhe si një vend që përpiqet të anëtarësohet në Bashkimin Evropian. Mos lejoni që sjellja juaj ose elementet e futura të rrezikojnë fitoren e të gjithë qytetarëve të Malit të Zi ”, tha Abazoviç, ndërsa shtoi se ky koalicion, nuk do të rrezikojë asnjë interes kombëtar të Malit të Zi.
LEXO EDHE: Pas tre dekadash në pushtet, opozita rrëzon Gjukanoviçin
Ai tha se me kolegët e opozitës ka rënë dakord për parimet e qeverisë së ardhshme.
“Ne duhet të formojmë një qeveri eksperte dhe të fillojmë të zgjidhim problemet e akumuluara. Nuk do të ketë vend për stafin e DPS në qeverinë eksperte, por në administratë, natyrisht. Ne duhet të përdorim të gjitha kapacitetet njerëzore të shtetit tonë. Dhe për disa nga stafi i DPS, do të ketë vende para autoriteteve gjyqësore të vendit tonë” tha Abazoviç duke shtuar se statusi i Malit të Zi në NATO dhe politika e jashtme e këtij shteti nuk do të ndryshojë’, tha ai.
Abazoviç u konsiderua si një “kingmaker” i qeverisë se re, që nxori nga loja Milo Gjukanoviçin.
Kujtojmë se partitë opozitare në Mal të Zi kanë rënë dakord të formojnë qeverinë e re të Malit të Zi mbrëmjen e djeshme.
Takimi i liderëve të koalicionit, “Për Ardhmërinë e Malit të Zi”, “Paqja është kombi ynë” dhe “E zezë dhe e bardhë”, Zdravko Krivokapic, Aleksa Becic dhe Dritan Abazovic, rezultoi pozitiv dhe ata do të formojë Qeverinë e ardhshme të Malit të Zi, duke e kaluar në opozitë Milo Gjukanoviçin. /abcnews.al
