Ismael Bennacer, mesfushori i Milanit, ka qenë një ndër lojtarët më të rëndësishëm dhe me parqitjet më të mira në formacionin kuqezi sezonin që lamë pas. Futbollisti nga Algjeria për më tepër, ka dhe statistika të shkëlqyera.
Ai është mesfushori që ka më shumë pasime kyçe, më shumë vjedhje topi, më shumë ndërhyrje të sakta dhe më shumë driblime të suksesshme se çdo mesfushor tjetër poshtë 23-vjeç në të gjitha 7 kampionatet kryesore të Europës.
Bennacer është një produkt i akademisë së Arsenalit, por “Topçinjtë” nuk i besuan, duke e çuar tek Empoli. Ndërsa tashmë, Bennacer mbron ngjyrat e Milanit dhe është një ndër më të mirët./abcnews.al
