Një person që ka udhëtuar me autobusin e linjës Tiranë-Kakavijë ka rezultuar pozitiv me koronavirus.
Burime për abcnews.al bëjnë me dije se ai është ndaluar pasi ka rezultuar pozitiv me Covid, ndërsa udhëtonte me këtë autobus me persona të tjerë.
Personi në fjalë ka rezultuar pozitiv pas kryerjes se tamponit në laboratorin privat “Intermedica”, i licencuar nga Minisitria e Shëndetësisë.
Ndërkohë, nga verifikimet e kryera nga gazetari i Abc News, Orgest Sako rezulton se laboratori e ka njoftuar Institutin e Shëndetit Publik për rastin në fjalë.
Pasagjeri, i cili rezultoi i infektuar nuk është vënë re nga pala shqiptare dhe është ndaluar nga ajo greke. Këta të fundit i kërkuan përgjigjen e tamponit dhe aty mësuan se ishte pozitiv. Pas ndalimit menjëherë u bë transporti i tij me ambulancë.
Ndërkohë, pasagjerët e tjerë që rezultuan negativë vazhduan udhëtimin për tokën greke. /abcnews.al
