1 462 të infektuar me Covid në Itali, rritet numri i viktimave në 24 orë

Vijojnë të jenë të larta shifrat e rasteve të reja me koronavirus në 24 orë në Itali. Sipas statistikave të fundit 9 persona kanë humbur jetën dhe 1 462 persona janë konfirmuar pozitivë me Covid 19.

Ndërkohë nga fillimi i pandemisë deri më tani numri i të infektuarve të përgjithshëm ka shkuar në 265 409 persona nga të cilët 35 472 persona kanë humbur jetën.

Ndërkohë deri më tani betejën me këtë sëmundje e kanë fituar 206 902 persona, ku vetëm gjatë orëve të fundit janë shëruar 348 persona./abcnews.al