Nga dëmtimet te rikthimi në kombëtare, historia e pabesueshme e Danny Ings

schedule19:49 - 25 Gusht, 2020

schedule 19:49 - 25 Gusht, 2020

Historia e sulmuesit të Southampton, Danny Ings, është një nga ato për tu marrë shembull. Anglezi pesë vite më parë kaloi një moment shumë të vështirë në karrierën e tij pasi këputi ligamentin e gjurit, dëmtim i cili e la jashtë fushave për një kohë të gjatë.

28-vjeçari nuk u dorëzuat dhe u rikthye sërish në fushat e blerta, por fati nuk ishte me të. Asaj kohe ai luante për Liverpoolin dhe vetëm pas tre ndeshjesh Ings pësoi një tjetër dëmtim të rëndë.

Dëmtimet nuk e penguan anglezin të hiqte dorë nga ëndrra e tij për futbollin dhe ai kaloi tek ekipi i Southamptonit. Këtë vit kaloi një super sezon, ku shënoi plot 25 gola në Premier League.

Falë paraqitjeve të tij fantastike, Gareth Southgate i dha sërish një mundësi për tu rikthyer në kombëtaren angleze pas plot pesë vitesh mungesë. Thjesht për tu duartrokitur. /abcnews.al

Mos rri jashtë: bashkohu me ABC News. Ne jemi kudo!