Të gjithë duam të realizojmë fotot perfekte kur ndodhemi me pushime për t’i ndarë me miqtë në rrjete sociale. Por, për të shkrepur imazhin ideal duhen patur parasysh disa rregulla. Më poshtë janë renditur gabimet që shpesh bëni gjatë një shkrepjeje, dhe “truket magjike” që ju ndihmojnë të pozoni si për kopertina.
Pozicionimi i njëjtë i këmbëve
Nuk duhet t’i mbani këmbët në të njëjtën linjë, pasi krijon efektin e një këmbe “të gjerë”, si dhe prish gjithashtu pamjen e bukur. Mbani këmbët njëra-mbi tjetrën dhe do të dukeni më të këndshëm.
Gjunjët përballë kamerës
Kur gjunjët ndodhen përballë kamerës, trupi dhe gjymtyrët duken të shkurtra. Prandaj merrni një pozicion paksa anësor në mënyrë që këmbët të shihen më qartë.
Pamje nga lart
Fotografimi nga lart nuk nxjerr qartë proporcionet e fytyrës. Kini parasysh që fotoja duhet shkrepur në nivel me sytë në mënyrë që edhe qafa të bjerë në sy.
Fokusi nuk është tek fytyra
Për shkak të këndit të gabuar, mund të mos mos nxirrni në pah format trupore. Prandaj shkrepeni foton nga një kënd ku fokusohet më shumë fytyra.
Pozoni shumë afër ujit
Nëse mjekra është shumë afër ujit, qafa nuk do të duket mirë dhe proporcionet e fytyrës do të prishen. Duhet të paktën 10-15 centimetra midis mjekrës dhe ujit, dhe vëmendja rikthehet tek fytyra.
Pozoni në gjunjë
Kjo pozë mund të bëjë që beli dhe këmbët “të zhduken”. Prandaj provoni një kënd më anësor, në mënyrë që të theksoni dhe format trupore.
Pozicioni i ushtarit
Me këtë pozë nuk do të dukeni mirë, prandaj zgjidhni një kënd paksa këndor pasi në këtë mënyrë këmbët do të duken më të holla dhe të gjata.
Këmbët përballë kamerës
Sa më shumë t’i drejtoni këmbët nga kamera, aq më të shkurtra do të duken. Prandaj merrni një pozicion më anësor dhe në këtë mënyrë tregoni dhe linjat trupore.
Gjunjët afër gjoksit
Sa më afër këmbëve të jetë gjoksi, aq mëpak do të duken proporcionet e trupit. Prandaj pozoni gjysëm të shtrirë, ku njëra këmbë vendoset përpara tjetrës për t’u dukur më bukur.
Mos u mbështet mbi gjëra
Kur mbështesni kokën tek dora, fotografia bëhet më e rëndë dhe personi duket i lodhur. /abcnews.al/
