“Kam dalë që dje në 07.30 nga shtëpia”, mjekja e QSUT: E lodhshme për ne dhe sfilitëse për pacientë

Ministrja e Shëndetësisë, Ogerta Manastirliu ka publikuar video-mesazhin e mjekes Nevila Gjermeni.

Kjo e fundit shfaqet nga QSUT dhe i bën thirrje të gjithë qytetarëve të tregojnë kujdes për t’u mbrojtur nga Covid-19.

Ndër të tjera, mjekja pranon lodhjen e stafit në luftën kundër Covid, duke kërkuar nga qytetarët që të mbajnë maskat, pasi është shumë  e rëndësishme.

“Kam që dje në orën 7 e 30 që kam dalë nga shtëpia. Gjë që e bëj pothuajse cdo ditë në këto 5 muaj unë dhe kolegët tanë. Është e lodhshme për ne, sfilitëse për pacientët. Bëni gjithçka që të kujdeseni për veten. Bëni gjithçka që të lehtësoni vuajtjen tuaja dhe të familjeve tuaja. Bëni gjithçka që të na lehtësoni punën. Bëni gjithçka që t’ja dalim. Vendoseni maskën! Është kaq shumë e rëndësishme”, shprehet ajo./abcnews.al

https://www.facebook.com/OgertaManastirliu/videos/3166027906815039/