Masakroi për vdekjen nënën e tij Firedes Çekiçi pak ditë më parë në fshatin Buçimas, Olsi Çekiçi do të qëndrojë në burg.
Vendimi u dha këtë të hënë nga gjykata e Pogradecit. 44 vjeçari i braktisur nga familjarët është shfaqur i qetë para togave të zeza.
Ai ka thënë se nuk është penduar pasi sipas tij nëna i kishte bërë magji.
Ngjarja e rëndë ndodhi pasditen e 6 gushtit në fshatin Buçimas të Pogradecit.
Shkak për krimin u bë një mesazh që Olsi Celiku lexoi në telefonin e vajzës së tij, 15 vjeçe.
Burime nga grupi hetimor i thanë abc.neës se 44 vjecari kishte tentuar të vrasë vajzën. 15 vjeçarja arriti të shpëtojë falë ndërhyrjes së gjyshes.
Por Firedes Çekiçi 70 vjeç u masakrua për vdekje nga djali i saj. I plagosur mbeti edhe vëllai i Olsit, i cili tentoi të shpëtonte nënën e tij.
Ditën e ngjarjes fqinjët treguan se ai ka përdoruur kosën për të vrarë nënën e tij.
Pas krimit të rëndë ai pranoi vrasjen në polici duke thënë se herët a vonë një gjë e tillë do të ndodhte.
Çekiçi ishte person problematik pasi kishte qënë i shtruar edhe ne psikiatri.
Por pavarësisht kësaj ai refuzonte të merrte mjekim.
Lexo edhe: “Nuk pendohem, do ndodhte 1 ditë”, ky është 44-vjeçari që masakroi nënën në Pogradec
