Kryeministri Rama ka humbur ditën e sotme nënë, Aneta Rama e cila u nda nga jeta në moshën 82-vjeçare.
Një mesazh ngushëllimi në këtë ditë të trishtë për kreun e qeverisë i ka nisur presidenti i Kosovës.
Me anë të një postimi në Facebook, Hashim Thaçi i drejtohet Ramës duke i thënë se “bashkëndjej me ju dhimbjen e thellë për ndarjen nga jeta të nënës Aneta.”
Thaçi i ofron Ramës ngushëllimet në emër të familjes së tij.
Postimi:
“I dashur Edi, në këtë ditë të pikëllimit, por edhe të krenarisë, bashkëndjej me ju dhimbjen e thellë për ndarjen nga jeta të nënës Aneta. Ngushëllimet më të sinqerta në emër timin dhe të familjes. HTH” /abcnews.al/
