Rebelohet Stephan El Shaarawy. Sulmuesi italian, i cili luan në Kinë me skuadrën e Shanghai Shenhua, nuk e ka pranuar lehtë zëvendësimin në përballjen kundër Guangzhou. Java e parë e kampionatit dhe telashet nisin.
Në minutën e 55-të ai u zëvendësua dhe shkoi direkt në dhomat e zhveshjes, dukshëm i mërzitur nga vendimi i trajnerit. Sjellja e El Shaarawy nuk është pritur mirë edhe nga drejtuesit e klubit, që kanë reaguar menjëherë.
Mediat kineze raportojnë se sulmuesi italian, i cili ka qenë më parë edhe pjesë e Milanit dhe Romës, është ndëshkuar dhe nuk do të grumbullohet për sfidën e radhës kundër Shenzhen, skuadër që drejtohet nga italiani Roberto Donadoni. /abcnews.al
