Procedohet presidenti i FIFA, Gianni Infantino. Mediat ndërkombëtare raportojnë se kreu i qeverisë së futbollit botëror dyshohet të ketë pasur një takim në vitin 2017 me Michael Lauber, Prokurorin e Përgjithshëm të Zvicrës, i dorëhequr javën e shkuar.
Menjehërë u emërua një Prokuror Special, i cili po heton mbi takimin e zhvilluar dhe që ishte mbajtur i fshehtë. Pretendohet se prokurori Stefan Keller ka gjetur shkelje, ndërkohë që ish-Prokurori i Përgjithshëm Lauber kishte hetuar mbi akuzat për korrupsion që rëndonin mbi FIFA-n.
Në këtë çështje janë të përfshirë edhe të tjerë persona, mes tyre edhe Rinaldo Arnold, Prokurori i krahinës së Upper Valais. Të gjithë po procedohen penalisht dhe mbetet të shihet se çfarë është zbuluar konkretisht dhe a mjafton që të dënohen. /abcnews.al
