Në një kamp rinor në Graubünden, shtatë fëmijë janë infektuar me koronavirus. Disa nga pjesëmarrësit e këtij kampi ishin zhvendosur në një kamp tjetër, pushimesh, fundjavën e kaluar, përpara se të shfaqnin simptoma, sipas departamentit të Shëndetësisë.
Aktualisht 200 persona janë karantinuar dhe dy prej tyre ndodhen në spital. Rreth 100 persona kanë qenë pjesë e kampit – kryesisht fëmijë të moshave 9 deri 13 vjeç që jetojnë në Graubünden si dhe disa mbikëqyrës.
Departamenti i shëndetësisë Graubünden ka marrë masa mbrojtëse për të parandaluar përhapjen e mëtejshme të Covid-19.
Zvicra ka shënuar rreth 33.500 të prekur me koronavirus dhe pothuajse 2,000 viktima. /abcnews.al
