Agjenti i Gareth Bale, Jonathan Barnett, ka dhënë një intervistë për BBC Sport, ku ka shpjeguar të ardhmen e klientit të tij: “Gareth është mirë. Ai ka dhe dy vite të mbetura në kontratë. Atij i pëlqen Madridi dhe nuk do të shkojë askund. Ai është ende po aq i mirë sa të gjithë të tjerët, pjesa tjetër i takon Zinedine Zidane.
Sigurisht që ka patur shumë interes, por vështirë që një klub në botë ta përballojë. Humbje e madhe që nuk është momentalisht në skuadrën e Real Madridit, por ai nuk do të largohet.
Trajneri ka qenë shumë i suksesshëm. Nuk ka urrjetje mes tyre, Zidane nuk do ta aktivizojë. Gareth stërvitet çdo ditë. Huazim? Ai është ende ndër më të mirët në botë dhe lojtar të këtij kalibri nuk mund të huazohen”, përfundoi agjenti i yllit uellsian./abcnews.al
