Klubi i Sevillas konfirmoi ditën e sotme blerjen përfundimtare të sulmuesit anësor, Suso. Ish-lojtari i Milanit tashmë ka firmosur një kontratë pesë-vjeçare me klubin andaluzan. Transferimi i spanjollit do t’i kushtojë plot 24 milionë euro klubit spanjoll.
Suso u transferua tek Sevilla në merkaton e janarit, ku fillimisht shkoi në formë huazimi nga Milani. Në rast se spanjollët do të kualifikoheshin në Champions League, atëherë do t’a kishin me detyrim blerjen e 26-vjeçarit.
Sevilla e mbylli kampionatin në vendin e katërt dhe për pasojë erdhi dhe blerja e kartonit të sulmuesit. Që nga janari, ai numëron plot 19 ndeshje për Sevillan, ku ka shënuar një herë dhe ka dhuruar një asist për shokët e skuadrës. /abcnews.al
Sevilla FC officially announces the permanent purchase of Suso from AC Milan. He signed a five-year deal. pic.twitter.com/RCxX1Z8SGw
— TeamMilanAC (@TeamMilanAC) July 20, 2020
