Duket sikur janë të dorëzuar nga Covid. Tregtarët e Shkodrës thonë se ndodhen në udhëkryq. As që nuk e kishin menduar ndonjë herë këtë krizë.
Tregu i Zdrales është thuajse i boshatisur. Janë 300 dyqane këtu në Zdrale që shesin veshmbathje dhe artikuj të tjerë, kryesish në fushën tekstileve një nga tregjet më të populluat sot ka vetëm shitës.
Tregtarët shprehen se nuk ka blerës. E për këtë arsye edhe furnizime nuk kanë bërë.
“E kam hap por s’ka fare rritje, janë vetëm stogjet me të cilët punojmë”, ka thënë një nga tregtarët.
“Nuk kam bërë furnizim nuk ka asgjë “, është shprehur një tregtare.
Një tjetër thekson se në këtë situatë nuk kanë pse të marrin mall të ri.
Puna në këtë treg është e vetmja e ardhur për këta tregtar. Ata shprehen se një tjetër arsye e krizës është dhe mbyllja e kufijve.
Thonë se tregtarët nga Mali i zi kanë qenë klientët e tyre më të mirë. /abcnews.al
