India ka shënuar një rekord të rasteve të reja. Gjatë 24 orëve janë shënuar gati 35 mijë raste me koronavirus dhe 687 vdekje, sipas të dhënave të lëshuara nga Ministria Federale Indiane e Shëndetësisë.
”Numri i përgjithshëm i rasteve të regjistruara që nga fillimi i epidemisë është 1,003,832 dhe ai i vdekjeve 25,602”, deklaroi ministria.
Nga këto, 635,756 ose 63,34 % e pacientëve rezultojnë të shëruar, ndërkohë që ka 342,473 raste aktive.
Rastet aktive të Indisë përbëjnë rreth një të tretën e numrit të përgjithshëm të saj pasi ka raportuar një shkallë të lartë shërimi dhe një shkallë të ulët vdekjeje nga virusi.
Numri i rasteve të reja pësoi rritje të shpejtë pasi India filloi të lehtësojë masat kundër koronavirusit.
Edhe pse India konfirmoi rastin e saj të parë në fund të janarit, pandemia ka ecur ngadalë. Ekspertët besojnë se ishte ndalur në një farë mase për shkak të një vendimi të hershëm të qeverisë në mars për të ndaluar të gjitha fluturimet ndërkombëtare dhe për të hyrë në një bllokim të rreptë që zgjati gati dy muaj.
Por kufizimet erdhën me një kosto shkatërruese ekonomike dhe njerëzore, dhe pasi India u rihap në fund të qershorit dhe testimet u rritën, numrat e rasteve të reja u rritën. /abcnews.al
