Kida ka arritur të bëhet një ndër këngëtaret më të suksesshme shqiptare. Prej vitesh në tregun muzikor, këngëtarja ka qenë shumë aktive me projekte muzikore, që janë pëlqyer jashtëzakonisht nga publiku.
Tashmë ajo po shijon suksesin e këngës më të fundit, një bashkëpunim me Mozzik. Kënga “PP” është pritur mjaft mirë nga publiku, ndërsa së shpejti pritet të dalë në treg dhe dueti i radhës me reperin, që do të titullohet “Kërkun”.
Pas këtij suksesi, duket se Kida ka gjetur pak kohë për t’u relaksuar. Nga postimet në Instagram, këngëtarja ka bërë me dije se po shijon disa ditë pushime në Budva. Kida ka pozuar e veshur me bikini, ku duket mjaft sensuale dhe në super formë.
Përsa i përket jetës personale, këngëtarja është treguar shumë e rezervuar, duke u kujdesur shumë ta mbajë atë larg vëmendjes së mediave. /abcnews.al/
