Shkencëtarët në Itali po studiojnë shfaqjen misterioze të një pigmenti ngjyrë rozë në Alpe, e cila është krijuar nga një lloj alge e quajtur Ancylonema nordenskioeldi.
Sipas shkencëtarëve italianë, ky fenomen i veçantë ndodh për shkak të ndryshimit të klimës. Ata thonë se ngjyra rozë që merr dëbora vjen nga një bimë algash që mund të gjendet edhe në Greenland.
Akulli me ngjyrë është fotografuar në akullnajën Presena në rajonin verior të Trentino-it të Italisë, e cila tashmë po ndjen efektet e ndryshimit të klimës. Për shkak të ngjyrës rozë të shkaktuar nga algat, dëbora thith më shumë nxehtësi dhe për këtë arsye shkrihet më shpejt.
“Alga nuk është e rrezikshme, është një fenomen natyror që ndodh gjatë periudhave të pranverës dhe verës në gjerësi të mesme por edhe te polet”, tha hulumtuesi i Këshillit Kombëtar të Kërkimeve, Biagio Di Mauro./abcnews.al/
