Liverpool realizoi dy herë në pjesën e dytë dhe mposhti Aston Villa në “Anfield”. Ekipi i Jurgen Klopp e ka fituar titullin kampion, por reagoi pas humbjes së thellë kundër Manchester City.
https://streamable.com/axq19c
Sadio Mane zhbllokoi shifrat në minutën e 71-të. Senegalezi mori një asist nga Keita dhe goditi menjëherë drejt portës kundërshtare. Topi në rrjetë dhe goli i 16-të në kampionat për sulmuesin afrikan.
Një minutë përpara fundit të ndeshjes erdhi edhe goli i Curtis Jones. Talenti 19-vjeçar, i cili firmosi një kontratë 5-vjeçare ditën e djeshme, gjeti golin e parë në Premier League. Jones mori një top nga Salah dhe shënoi nga brenda zonës. /abcnews.al
