Trajneri i Liverpoolit, Jurgen Klopp, arriti të rikthejë titullin e Premier League në “Anfield Road” pas plot 30 vitesh mungesë. Pasi e ka kaluar ekzaltimin e fitimit të titullit, strategu gjerman foli për merkaton.
“Një fanellë e kuqe do t’i shkonte shumë Sanchos”, u shpreh fillimisht Klopp për BILD. “Por nuk mendoj se një transferim i tillë do të ndodhë këtë verë. Ai është një lojtar shumë interesant.
Nëse do të vinte te Liverpool, unë do të isha më i befasuari nga të gjithë”, u shpreh strategu gjerman, i cili vazhdon të jetë unik me deklaratat e tij./abcnews.al
