Real Madrid fitoi kundër Eibar me shifrat 3-1, por trajneri Zinedine Zidane është larguar i mërzitur nga stadiumi. Francezi madje ua ka shprehur edhe futbollistëve të tij, sipas asaj që shkruan Marca. Menjëherë pasi kishte rënë bilbili, ai ka shkuar në dhomat e zhveshjes.
Zidane i ka qortuar futbollistët e tij, pasi lëshuan në pjesën e dytë dhe kjo nuk i ka pëlqyer teknikut. Në konferencë për shtyp u mundua të mos e tregonte pakënaqësinë e tij, duke ia lënë gjithçka vetëkënaqësisë prej rezultatit 3-0, të arritur në pjesën e parë.
Trajneri i Real Madrid e ka parë edhe herë të tjera skuadrën e tij të ndryshojë sjellje në fushë nga njëra pjesë në tjetrën dhe nuk mund ta tolerojë më diçka të tillë.
Kundër Levante, rezultati shkoi nga 3-0 në 3-2, kurse me Granada nga 3-0 në 4-2. Zidane kërkon që të mos i ndodhë një situatë e tillë me skuadra si Valencia dhe Real Sociedad, rivalët e ardhshëm të tyre. /abcnews.al
