Një 42-vjeçar në Vlorë është vënë në pranga pasi ishte dënuar me gjashtë vite burg nga Gjykata e Vlorës. Njoftohet se Agron Velaj është dënuar me burg për prodhim dhe shitje të lëndëve narkotike, në bashkëpunim. Ai njoftohet të jetë kapur në zonën e Novoselës.
Ngjarja i referohet muajit janar të vitit 2015, kur u gjet dhe u sekuestrua një sasi e konsiderueshme me lëndë narkotike cannabis sativa (150 kg), në banesën e shtetasit Agron Velaj.
Njoftimi i plotë:
Vlorë
Finalizohet një tjetër operacion policor për kapjen e personave në kërkim.
Gjatë operacionit policor të koduar “Novosela” u kap dhe u vu në pranga i kërkuari në fushën e narkotikëve, i dënuar me 6 vite burg.
Specialistët për Hetimin e krimeve në Komisariatin e Policisë Vlorë, në vijim të punës për kapjen e personave në kërkim dhe vënien e tyre para përgjegjësisë penale, si dhe në bazë të informacioneve të marra në rrugë operative për vendndodhjen e një personi të kërkuar dhe të dënuar për veprimtari kriminale në fushën e narkotikëve, organizuan dhe finalizuan operacionin policor të koduar “Novosela”, në kuadër të të cilit u bë kapja dha arrestimi i shtetasit në kërkim:
Agron Velaj, 42 vjeç, banues në fshatin Mifol, Vlorë.
Ky shtetas u kap në zonen e Novoselës, pasi Gjykata e Vlorës e ka dënuar me 6 vite burg, për veprën penale “Prodhimi dhe shitja e narkotikëve” kryer në bashkëpunim.
Ngjarja i referohet muajit janar të vitit 2015, kur u gjet dhe u sekuestrua një sasi e konsiderueshme me lëndë narkotike cannabis sativa (150 kg), në banesën e shtetasit Agron Velaj.
Materialet i kaluan Prokurorisë së Vlorës, për veprime të mëtejshme /abcnews.al/
