“Don” Carlo Ancelotti, trajneri italian i Everton, feston sot ditëlindjen e tij të 61-të. Ancelotti konsiderohet si ndoshta trajneri më i mirë i të gjithë kohërave dhe kudo ku ka drejtuar, ka qenë i sukseshëm.
Ancelotti ka drejtuar në pesë kampionatet kryesore të Europës, ku është shpallur kampion në katër prej tyre. Në Itali, fitoi Serie A me Milanin, Ligue 1 në Francë me PSG-në, Premier League me Chelsea në Angli, ndërsa në Gjermani, fitoi Bundesligën me Bayernin. Vetëm në La Liga me Real Madrid, nuk ia doli.
Strategu italian ka qenë i sukseshëm edhe në Champions League, ku u bë trajneri i parë që e fitoi tre herë këtë kompeticion (Milan 2x, Real Madrid). Gjithashtu, Ancelotti ka fituar dhe dy Botërore Klubesh! Padiskutim një karrierë e jashtëzakonshme deri më tani./abcnews.al
Happy birthday, Carlo Ancelotti! ? pic.twitter.com/cEv6KdhKKc
— Goal (@goal) June 10, 2020
