Mjeku Apostol Vaso në “ABC e mëngjesit” ka folur për njeriun vitruvian.
Ai shpjegoi se filozofia qëndron në faktin se njeriu shihet si qendra e botës, ndërsa shtoi se njeriu është vetë kozmosi.
“Nuk është se figura e Leonardos shpreh universin, por universi është pjesë e kësaj figure, në kuptimin konceptual të gjërave. Jemi mësuar me një lëvizje që nga njëqelizori kemi ardhur te njeriu.
Aty rezulton që vitruvusi, ose Aristoteli apo komplet filozofia e Greqisë së lashtë shkon edhe më thellë, pasi e shikojnë njeriun si qendrën e botës.
Njeriu është vetë kozmosi. Njeriu është dy sepse është trup dhe ndërgjegje. Çdo qenie biologjike në bazën e vet ka instinktin e vetëmbrojtjes”, tha më tej Vaso./abcnews.al
