Loading ...
Një shpërthim eksplozivi ka ndodhur këtë të martë në një xhami në Kabul të Afganistanit.
Sulmi në xhami u krye ndërsa brenda saj besimtaret ishin duke falur namazin e mbrëmjes. Si pasojë e sulmit ka humbur jetën një besimtar dhe imami i njohur, Ayaz Niazi, njoftoi ministria e Brendshme afgane.
“Për fat të keq, eksplozivët e vendosur nga terroristët në xhaminë Wazir Akbar Khan janë aktivizuar”, tha Tareq Arian, një zëdhënës i ministrisë.
Wazir Akbar Khan, ku ndodhi sulmi është lagja qendrore në të cilën ndodhet Zona e Gjelbër, zona e shumë ambasadave dhe institucioneve të huaja.
Ndërkaq, asnjë grup kryengritës nuk mori përgjegjësi për sulmin. /abcnews.al
