Max Meyer, një lojtar prej të cilit pritej shumë, tani luan në Premier League me Crystal Palace. Mesfushori, kampion Europe me Gjermaninë U21 në vitin 2017, ishte pjesë e Schalke 04 në Gjermani dhe ka provuar të luajë edhe me kombëtaren e madhe.
Gjithsesi kurrë nuk ia doli të shkëlqente dhe u largua me parametra zero nga Bundesliga. Ndarja nuk ishte e mirë, ndaj edhe babai i tij, Achim Meyer, e ka ngacmuar klubin gjerman përmes një postimi në rrjetet sociale.
Papa von Max Meyer mit der bezahlte Lambo durch die verbotene Stadt zum Steuerberater. Besser geht nich, Männer! #schalke #s04 #maxmeyer pic.twitter.com/HzTA0EEZKN
— Finn de Rella (@moinfinn) May 29, 2020
“Nuk mund te shkojë më mirë! Përmes qytetit të harruar, Gelsenkirchen, drejt konsulentit të taksave. Është bukur të shëtisësh me një Lambo të paguar nga klubi i falimentuar. E mrekullueshme”, thotë Meyer në videon e publikuar.
Max, pavarësisht gjithçkaje që ka ndodhur në të shkuarën, nuk pajtohet me fjalët e të atit: “Jam shumë i shokuar nga ajo video. Nuk përshtatet me këtë kohë, nuk përshtatet me këtë botë, nuk përshtatet në asnjë kohë. Unë vetëm e falënderoj Schalke shumë dhe distancohem nga natyra dhe përmbajtja e asaj video”. /abcnews.al
