Loading ...
Gjykata e Kurbinit ka dhënë masën e sigurisë “arrest me burg” për Aurel Shurbin, autorin e plagosjes së dyfishtë të ndodhur të martën pranë Urës së Drojës në Mamurras.
Në seancën e zhvilluar me dyert të mbyllura, në bazë të provave të paraqitura nga prokuroria, gjykata e cilësoi të ligjshëm arrestimin e tij, duke caktuar masën e sigurisë “arrest ne burg” për veprat penale “Vrasje në rrethana të tjera cilësuese, kundër dy ose më shumë personave, e mbetur në tentativë” dhe “Armëmbajtja pa leje”.
Ngjarja ndodhi tre ditë më parë, në vendin e quajtur ura e Drojës, ku të plagosur mbetën daja, Agron Mema, rreth 50 vjeç dhe nipi i tij Klevis Leka, rreth 30 vjeç.
