Andre Onana është një nga pikat më të forta të Ajax. 24-vjeçari është i talentuar mes shtyllave dhe ka ardhur momenti të provojë një aventurë të re në karrierë. Barcelona, Chelsea dhe Tottenham, e pëlqejnë shumë portierin kamerunas të “Harkëtarëve”.
Kampionët e Spanjës janë dëshira e tij e madhe, teksa ka luajtur me moshat e Barcelonës. Opsion shumë i mirë është edhe kalimi te skuadra e Lampard, aty ku e pret Hakim Ziyech. Onana, i cili vlerësohet rreth 25 milion paund, ka një akord me drejtuesit dhe është Erik ten Hag, trajneri i Ajax, ai që e konfirmon për Algemeen Dagblad.
LEXO DHE: Onana bën gati valixhet, Barça dhe Chelsea në garë për portierin
“Andre është shumë i rëndësishëm për ne, natyrisht që nuk duam ta humbasim, por vitin e kaluar arritëm një akord, ku pranuam shitjen e tij në rast të një oferte të duhur nga klubi i duhur. Di që për momentin, nuk ka ardhur në klub asnjë ofertë konkrete për të”, thekson trajneri i Ajax. /abcnews.al
