Paul Pogba, Alexis Sanchez dhe Jesse Lingard, janë tre lojtarët që Manchester United dëshiron të shesë në merkaton e verës, në mënyrë që të arkëtojë sa më shumë para të jetë e mundur për të ri-investuar.
“Djajtë e Kuq” janë gati të sjellin në Old Trafford emra si Haaland, Sancho e të tjerë, por duhet një buxhet i madh për të siguruar kartonët e këtyre futbollistëve.
Ardhja e Bruno Fernandes në janar ka bërë që vendi i Pogba të jetë në diskutim, ndërsa Lingard dhe Sanchez kanë bërë ndeshje për t’u harruar sezonet e fundit. ME shitjen e këtyre tre futbollistëve, United do të përfitonte më shumë se 100 milion euro, para që do të investoheshin menjëherë tek afrimet e reja./abcnews.al
