Ralf Rangnick, drejtori i sportit dhe zhvillimit të Red Bull, mendohej se do t’i kthehej karrierës si trajner, duke marrë stolin e Milanit në verë. Por mesa duket, kjo gjë nuk do të ndodhë, pasi vetë gjermani mohoi gjithçka për radion gjermane, MDR.
Rangnick ka mohuar të gjitha zërat që e çojnë atë te Milani, duke thënë shkurtimisht dhe prerë: “Nuk ka asgjë të vërtetë!” Sipas Gazzetta Dello Sport, ka pasur një marrëveshje mes drejtuesve të Milanit dhe Rangnick, për një kontratë tre vjeçare. Por mesa duket, asgjë nuk është konkrete.
Milani ka pasur disa ndryshime trajnerët muajt e fundit, me Gatusson, Giampaolo dhe së fundmi Pioli, i cili po ashtu nuk po bind. Edhe në stafin drejtues ka pasur të larguar, me Boban që u shkarkua pak javë më parë./abcnews.al
