Loading ...
Është rritur me gjashtë raste të reja numri i personave të prekur nga koronavirusi në Maqedoni. Lajmin e ka bërë të ditur Ministri i Shëndetësisë, Venko Filipçe. Mes të infektuarve është edhe një vajzë e vogël 4-vjeçare nga Shtipi, e cila është infektuar nga një çerdhe në Angli.
Vajza është kthyer në Maqedoni më 14 mars dhe ka qenë në vetë-izolim në shtëpi. Për testim janë paraqitur gjatë ditës së djeshme, dy ditë pasi vajza ka pasur simptomat e para.
Ndërsa, në Dibër janë konfirmuar edhe tre raste të reja e në Shkup e Gostivar nga një person. Në Gostivar rezulton e infektuar një grua që është kthyer nga Zvicra dhe ka qenë në vetë-izolim.
Në total, numri i personave të infektuar në Maqedoninë e Veriut ka shkuar në 48, ndërsa për fat të mirë nuk ka pasur deri më tani humbje jetësh.
