Bashkëshortja e kryeministrit të Spanjës Pedro Sánchez ka rezultuar pozitive me koronavirus. Lajmi është bërë i ditur nga vetë qeveria e vendit.
Thuhet se Begoña Gómez dhe kryeministri janë në gjendje të mirë dhe se po ndjekin udhëzimet e dhëna nga autoritetet shëndetësore në rezidencën e tyre në La Moncloa Palace, Madrid.
Dy ministra të kabinetit të Sánchez-it kanë rezultuar gjithashtu të infektuar mën herët gjatë kësaj jave. Edhe për ata të dy, qeveria ka deklaruar se gjenden me shëndet të mirë.
Për fat të mirë, anëtarët e tjerë të Kabinetit kanë rezultuar negativë për Covid-19.
Qeveria e dha lajmin për infektimin e Begoña Gómez vetëm pak kohë pasi kryeministri Sánchez njoftoi masat e reja që do të merreshin me qëllim për të luftuar më tej pandeminë.
Deri më tani, numri i persnave të infektuar në Spanjë ka shkuar në 7,753 me 1,362 raste që janë regjistruar vetëm gjatë ditës së sotme. Numri i personave që kanë ndërruar jetë është 291. /abcnews.al/
