Loading ...
39 gola të pësuar në 28 ndeshje janë shumë, aq më tepër për një skuadër të Jose Mourinhos. Tottenham po has vështirësi në fazën defensive këtë sezon dhe trajneri portugez ka zgjedhur përforcimin e duhur për sezonin e ardhshëm.
Daily Mail raporton se “Special One” ka mbetur i befasuar nga paraqitjet e Chris Smalling me Romën. Me të ka punuar te Manchester United dhe e njeh mirë si lojtar. 30-vjeçari është huazuar në Serie A deri në fund të sezonit.
Gjithsesi, gara për shërbimet e Smalling do të jetë e fortë deri në fund. Përveç Romës që dëshiron ta blejë përfundimisht, edhe Juventusi është i interesuar për të gjetur një marrëveshje me “Djajtë e Kuq” të United. /abcnews.al
