Derbi i kryeqytetit nis në orën 19:00, ndërkohë që Fanatics dhe Guerrils janë nisur drejt “Air Albania Stadium”. Grupimet ultras gjatë marshimit këndojnë e dhurojnë shfaqje, ndërkohë që në rrjetet sociale videot e postuara janë të shumta.
Fanatics, të shumtë në numër, i janë afruar stadiumit dhe këndojnë një prej këngëve të tyre të famshme: “S’na mban më vendi, na iku truri, Forca Tirona, për Fanatics luni”. Në stadium atmosfera pritet të jetë edhe më e zjarrtë, teksa do të ketë edhe koreografi fantastike. /abcnews.al
