Beteja e ish-ministrit të Brendshëm Saimir Tahiri me drejtësine, e nisur që në 2017, vijon në shkallën e dytë.
5 muaj pasi ish-gjykata e Krimeve të Rënda e dënoi Tahirin me 3 vite shërbim provë për shpërdorim detyre, Gjykata e Posaçme e Apelit përcakton me short 3 gjyqtare gra që do të kenë në dorë fatin e ish-ministrit të Brendshem dhe sh-drejtorit të Policisë Vlorë, Jaeld Cela.
Albana Boksi do të jetë kryesuese seance, ndërsa Nertina Kosovën dhe Nure Drenin do të jenë antare të trupës gjykuese.
Togat e zeza të ish-Gjykatës se Shkallës se Parë për Krime të Rënda e shpallën fajtor ish-ministrin e Brendshëm, Saimir Tahiri për “Shpërdorim Detyre” dhe e dënuan me 5 vite burg.
Për shkak të gjykimit të shkurtuar atij iu ul 1/3 e dënimit dhe përfundimisht u dënua me 3 vite shërbim prove.
Organi i akuzës kishte kerkuar denimin e ish- ministrit të Mrendshem me 12 vite burg. Prokuroria e akuzonte Saimir Tahirin për përfshirjen në 4 episode trafikimi droge nga 2013-2015, akuza të cilat u rrëzuan nga Gjykata.
Ish-prokuroria e krimeve të rënda e akuzonte Ish-ministrin Tahiri për 3 vepra penale: “Trafikimi i lëndëve narkotikëve në bashkëpunim”, “Grupi i strukturuar kriminal” dhe “Korrupsion i zyrtareve te larte”.
Por gjykata bëri klasifikim të akuzave, për arsye se nuk provoi përtej çdo dyshimi të arsyeshme dhe e dënoi ish- ministrin vetem për shpërdorim detyre.
Sipas argumentimit të gjykatës, në kohën kur mbante detyrën e ministrit, Tahiri nuk ka punuar sa duhet për të parandaluar trafikimin e drogës. Pas shpalljes së vendimit Ish-Ministri e quajti vendimin e gjykatës qesharak. /abcnews.al
