Neymar vazhdon të acarojë PSG-në. Ylli brazilian ka munguar në ndeshjet e fundit si pasojë e një dëmtimi dhe është në dyshim për ndeshjen e parë të Champions League kundër Borussia Dortmund, duel që zhvillohet në “Signa Iduna Park” me datë 18 shkurt.
Sulmuesi duhet të vazhdonte fazën e rikuperimit, por mendjen e ka tjetërkund. AS raporton se 28-vjeçari ka fluturuar drejt Gjermanisë për të ndjekur një sfilatë mode. Neymar ka marrë pjesë në ngjarjen e modës së zhvilluar në Dusseldorf dhe ky veprim ka zemëruar drejtuesit e klubit.
Champions League është objektivi i madh i PSG-së dhe duelet ndaj Dortmund janë shumë të vështira. Thomas Tuchel shpreson ta ketë gati goleadorin për sfidën ndaj verdhezinjve, ndërsa lojtari e ka mendjen për t’u argëtuar. /abcnews.al
