Jose Mourinho përforcoi mesfushën në janar me Gedson Fernandes dhe një tjetër portugez pritet të zbarkojë në verë te Tottenham. Drejtuesit e klubit i kanë vendosur një fond prej 150 milion eurosh për merkaton verore dhe në krye të listës së trajnerit është një mbrojtës.
Mediat portugeze raportojnë se “Special One” do të përgatisë një ofertë për Ruben Dias, qendrën e Benficës, për të cilin ja një interesim të madh nga klubet e mëdha europiane. 22-vjeçari është një nga pikat më të forta të “Shqiponjave të Lisbonës” dhe numëron 17 ndeshje me kombëtaren portugeze.
Mourinho ka një raport shumë të mirë me agjentin e lojtarit, Jorge Mendes. Diçka e tillë do i lehtësojë negociatat dhe trajneri i ekipit londinez shpreson të arrijë sa më shpejt marrëveshjen me patriotin e tij. /abcnews.al
