Loading ...
Liverpool pret Southampton nesër në “Anfield” dhe kjo ndeshje është speciale për Virgil Van Dijk dhe Sadio Mane. Të dy lojtarët kanë luajtur në të kaluarën me “Shenjtorët”. Mbrojtësi i ekipit të Jurgen Klopp ka folur për këtë sfidë, transferimin te Liverpool dhe përballjen me Danny Ings, i cili ka shënuar 16 gola këtë sezon me Southampton.
“Jam shumë i lumtur nëse Southampton vijon të paraqitet mirë dhe performojnë në këtë nivel. Gjithsesi ne do të kërkojmë fitoren të shtunën, ky është objektivi ynë. Kalimi te Liverpool? Kam bërë zgjedhjen e duhur. Jam 28 vjeç dhe mund të realizoj ëndrrat e mia. Jeta mund të jetë e shkurtër, ashtu si karriera e një futbollisti.
Ings? Danny është një lojtar kyç i Southampton dhe e ka ndihmuar klubin të përmirësohet. Jam shumë i lumtur për të. Nuk kam nevojë t’i studioj sulmuesit me të cilët përballem, i njoh mirë të gjithë“, thekson Van Dijk. /abcnews.al
