Bylisi ka nënshkruar me një tjetër lojtar para mbylljes së merkatos. Ballshiotët kanë bindur sulmuesin Flosard Malçi, i cili ne verë erdhi për herë të parë në Shqipëri dhe veshi fanellën e Laçit.
Futbollisti kurbinas në të shkuarën është aktivizuar në Greqi dhe në eksperiencën e tij të parë në Superiore nuk është se pati shumë hapësira. Te Laçi ai luajti në tetë takime në kampionat dhe në të gjitha u aktivizua si zëvendësues.
Tanimë do të nisë një eksperiencë të re, në Ballsh me Bylisin. Kështu për trajnerin Veljko Dovedan shtohet një tjetër alternativë për sulmin. Malçi luan në të dy krahët e ofensivës, si dhe mund të luajë edhe si gjysmë-sulmues. /abcnews.al
