Tifozët e shumtë të boksit kanë shijuar sfida të forta në vitet e fundit. Floyd Mayweather u ndesh me Conor Mc Gregor në vitin 2017 dhe amerikani nuk e diskutoi në asnjë moment fitoren ndaj irlandezit të njohur. Mc Gregor u përballë në UFC edhe ndaj Khabib Nurmagomedov, betejë që u fitua nga 31-vjeçari nga Dagestani.
Shumë po flitet për një duel midis Mayweather dhe Khabib, teksa tifozët shpresojnë që të vijë sa më shpejt zyrtarizimi. Një sfidë e tillë do të sillte fitimin e miliona dollarëve nga boksierët, teksa babai i Khabin, njëkohësisht edhe trajneri i tij, Abdulmanap, tregon kushtin e tij në një prononcim për agjencinë ruse TASS.
“Tani po mendojmë për Tony Ferguson dhe do të kemi Lomachenkon pas 6 muajsh, më pas mund të mendojmë për diçka atë tillë. Maywather është boksieri më i mirë, ka 50 fitore dhe asnjë humbje. patjetër që dëshiron të sfidojë një tjetër kampion të pamposhtur si Khabibi. Por ka një kusht, duam që sfida në 12 raunde të ketë 11 prej tyre në boks tradicional dhe vetëm një sipas rregullave të UFC“, thekson babai i Khabib. /abcnews.al
